Yo‘nalishning ochilishi mamlakatlar o‘rtasidagi xalqaro aloqalarni kengaytirish va iqtisodiy hamkorlikni mustahkamlash yo‘lidagi muhim qadam bo‘ldi. Bag‘dod — Toshkent yo‘nalishi bo‘yicha qaytish reysi 6-fevral kuni amalga oshirildi.

Mazkur yo‘nalish biznes safarlar, logistika hamkorligi va sheriklikni rivojlantirish uchun qo‘shimcha imkoniyatlar yaratdi. Xususan, ushbu reys o‘zbek tadbirkorlariga o‘z mahsulotlarini Iroq bozorida namoyish etish, yangi ishbilarmonlik aloqalarini yo‘lga qo‘yish hamda tajriba almashish imkonini berdi. Bu esa savdo-iqtisodiy munosabatlarning mustahkamlanishiga va xalqaro hamkorlikning kengayishiga xizmat qiladi.